أخبار بنك "إلى"

شلون نقدر نحصل على نصايح مالية من تطبيق تيك توك؟ إي نعم، من تيك توك!

حق اللي مايعرف - تطبيق تيك توك هو تطبيق مشاركة فيديوهات يسمح لك تاخذ فيديو طوله ما يتجاوز 15 ثانية وتضيف عليه تأثيرات تناسب المحتوى مثل الموسيقى، الطبخ، السفر، الرقص، الأزياء، وأكثر.

انزين، نرجع لموضوعنا. شنو لو قلنا لكم انكم ممكن تحصلون نصايح مالية من التيك توك؟

خبراء إدارة الأموال، واللي منهم المستشارين وأصحاب خبرة طويلة في هالمجال، صاروا يستخدمون هذا التطبيق لتقديم نصايح عن إدارة الأموال الشخصية، والاستشارات المالية والاستثمارية في العقارات وغيره من المجالات. هالنصايح تكون مختصرة ومسجلة على مقاطع فيديو لمدة دقيقة وهي ممتازة حق اللي حابين يتعلمون كيف يوفرون فلوسهم. وتقدر تحصل على محتوى مفصل لنفس المتحدثين من خلال التطبيقات الثانية مثل يوتيوب أو إنستغرام وتسوي قائمة خاصة فيك من الخبراء الماليين وغيرهم.

هالخبراء لاحظوا احتياج الجمهور للخبراء الماليين في السوشيال ميديا، وصارت حقيقة انه جيل التسعينات والألفية ماعندهم المعرفة الكافية لإدارة أمورهم المالية. أغلبنا مامر عليه مصطلحات اقتصادية ومالية في حياته وهالشي أكيد كان له تأثير على مستقبلنا المالي واللي أثر على عملنا وحياتنا بشكل عام.

أثبتت الهاشتاغات اللي تركّز على الأمور المالية على تيك توك الحاجة لمثل هذا النوع من المحتوى (#couponing) عنده حوالي 325 مليون مشاهدة، و (#invest) عنده 553 مليون مشاهدة، في حين (#personalfinance) عنده أكثر من 405 مليون مشاهدة.

من هم هالخبراء وكيف نوصل لحساباتهم؟

اضغط على الرابط في البايو لقراءة كل المقالة. تقدر تبتدي تاخذ دروسك في الأمور المالية. بس بعد تحدي مدته 15 ثانية بتسويه مع اخوانك في الأغلب.

خلونا نقابل بعض مشاهير تيك توك، ومستشارينك الماليين

كلنا سمع في همفري يانغ، رائد الأعمال اللي عمره 32 سنة، واحد من نجوم تيك توك ومستشار تجارة إلكترونية في وادي السيليكون واللي أمضى يوم سبت يعد 10,000 حبة رز حق يشرح للمراهقين حجم الأموال. تقدرون تتابعونه من @humphreytalks. ولو أحد منكم للحين مهتم بفيديو الرز، تقدر تتابعه من الرابط: https://www.youtube.com/watch?v=9R3KxA0QPsM

كول كيلي، خبير مالي وأستاذ من مدينة أوته يستعمل تيك توك لتعليم طلابه مبادئ الإدارة المالية. لو مو متأكدين من شهرته، البوست اللي سواه عن استثمارات العقار وصل لحد  400,000 مشاهدة. تقدرون تتعلمون أكثر عن الاستثمار من كول من حسابه @colekelley

زاك زورن، رائد الأعمال اللي عمره  25 سنة واللي عنده موقع Moneynomad.com موجود بعد في تيك توك لتعليم مبادئ الاستثمار وعنده حاسبة لعوائد الاستثمار حق يحمسكم أكثر في فيديوهاته اللي ماتتجاوز 15 ثانية. اللي يبي يتعلم يستثمر وهو مسترح في بيته يتابعه من حسابه @moneynomad

وفي عندنا صفحة للمعلومات المالية العامة وهي @logicalfinance واللي يتابعها أكثر من 136,000 متابع. الصفحة تعرض محتوى سريع عن مواضيع مثل الاستثمار، إدارة الأرصدة وأكثر.

نتمنى انه تكون عجبتكم المقالة، خبرونا شنو رايكم فيها! تبون محتوى أكثر عن هالموضوع؟ شاركونا رايكم في حسابات التواصل اللي زرتوها.

أكثر الهاشتاغات #المالية تداولًا على تطبيق تيك توك

# الهاشتاغ
1 #money
2 #business
3 #investing
4 #investment